កាលពីយប់ថ្ងៃអាទិត្យ ទី២៤ ខែមករា ឆ្នាំ២០២១ កម្មវិធីប្រកួតប្រជែងធ្វើម្ហូបលំដាប់អន្តរជាតិ MasterChef Khmer រដូវកាលទី ២ បានឈានដល់ទីបញ្ចប់ និងរកឃើញម្ចាស់ពាន និងម្ចាស់ជ័យលាភីលេខ១ ជាមួយទឹកប្រាក់រង្វាន់៥ ម៉ឺនដុល្លារសហរដ្ឋអាមេរិកហើយ នោះគឺជាបេក្ខជន ស្រីណុច។

ក្នុងនោះផងដែរ មហាជនជាច្រើនបាននាំគ្នានឹករលឹក អាឡោះអាល័យដល់ Chef រិទ្ធី ដែលជាគណៈកម្មការក្នុងកម្មវិធី MasterChef Khmer ដែលបានលាចាកលោកនាពេលកន្លងទៅ ហើយចាប់ពីពេលនេះទៅគ្រប់គ្នាលែងបានឃើញមុខ លែងបានលឺសំលេង និងលែងបានឃើញស្នាដៃរបស់ Chef រិទ្ធីនៅក្នុងកម្មវិធីប្រកួតធ្វើម្ហូបនេះទៀតហើយ។

គួររំលឹកផងដែរថា លោក ស៊ូ សោ​ភណ្ឌ​រិ​ទ្ធី ដែល​ជា​គណៈកម្មការ​នៅ​ក្នុង​កម្មវិធី Master Chef Khmer បានទទួលមរណៈភាពកាលពីកំឡុងខែតុលា ឆ្នាំ២០២០ កន្លងទៅ ហើយយោងតាមការបញ្ជាក់ពីភរិយារបស់លោកបានឲ្យដឹងថា Chef រិទ្ធី បានទទួលមរណៈភាព ដោយសារតែជំងឺលើសឈាម និងលើសសម្ពាធស្ករខ្លាំង៕

ផ្តល់សិទ្ធិដោយ៖ Khmernote