កន្លងទៅថ្មីៗនេះ មានការរិះគន់មួយមិនសំចៃមាត់ពីសំណាក់អ្នកលេងបណ្តាញសង្គម ក្រោយឃើញក្រុមអ្នកលក់ឡេល្បីឈ្មោះ គឺអាជី និងអាម៉ី បានថតសំដែងរឿង “ទុំទាវ 2021” និងបានយកសាសនាមកលេងសើចបែបអាសអាភាស ដែលមហាជននិយាយថាវាជាការជាន់ឈ្លីសាសនាយ៉ាងធ្ងន់ធ្ងរ និងសំណូមពរអោយក្រសួងនិងសមត្ថកិច្ចពាក់ព័ន្ធធ្វើការចាត់វិធានការទៅតាមច្បាប់។
ថ្មីៗនេះ អាចារ្យធំ បានធ្វើការប្រៀបធៀបករណីរបស់ក្រុមអ្នកលក់ឡេ អាជី និងអាម៉ី ទៅនឹងករណីរបស់ ចំប៉ីខ្មៅ ដែលធ្វើជាប់គុក ដោយសារតែប្រមាថជាតិខ្មែរ។ អាចារ្យធំ បានឲ្យដឹងថា “(ថ្ងៃនេះកាលពី ២ឆ្នាំមុន) ០៥ កុម្ភ: ២០១៩ បុគ្គល ចំប៉ីខ្មៅ ត្រូវបានសមត្ថកិច្ចឃាត់ខ្លួន ក្នុងករណីប្រមាថជាតិខ្មែរដ៏ឧត្តម។
តេី… ថ្ងៃទី ០៥ កុម្ភៈ ២០២១ នេះ ក្រុមផលិតរឿង ទុំទាវ ២០២១ បំផ្លាញ បំពុលសង្គម ដែលមានចេតនាប្រមាថយ៉ាងធ្ងន់ធ្ងរដល់ ព្រះពុទ្ធសាសនា(បាវចនាជាតិ) ស្នាដៃអក្សរសិល្ប៍ជាតិ វប្បធម៌ ប្រពៃណីជាតិ ទាំងនេះ អាចមានវាសនាដូចបុគ្គលចំប៉ីខ្មៅដែរឬទេ?
👉ចាំតាមដាន ឃ្លាំមើល និងជំរុញការអនុវត្តន៍ច្បាប់អោយបានតឹងរឹង និងស្មើភាពគ្នា ក្នុងស្ថានទម្ងន់ទោសប្រហាក់ប្រហែលគ្នានេះ។
#បុគ្គលទាំងឡាយណាដែលប្រមាថជាន់ឈ្លីជាតិខ្មែរដ៏ឧត្តមមួយនេះរមែងវិនាស”៕ ផ្តល់សិទ្ធិដោយ៖ ខ្មែរណូត
